የኢትዮጵያ ጊዜያዊ የመኖርያ ጥበቃ (ቲ-ፒ-ኤስ- TPS) [ አማርኛ ]
የአሜሪካ መንግስት፤ ከጥቅምት (October) 20 ቀን 2022 ጀምሮ በአሜሪካን አገር መኖር ለጀመሩ ኢትዮጵያውያን ግዜያዊ የመኖርያ ጥበቃ (TPS, Temporary Protected Status) በመስጠት ላይ ይገኛል።
ቲ-ፒ-ኤስ (TPS) ምን ማለት ነው?
ቲ-ፒ-ኤስ (TPS) ማለት ሰዎች ከአገር እንዳይባረሩ ጥበቃ የሚያደርግ፤ ህጋዊ የመኖርና የስራ መስራት ፈቃድ ((Employment Authorization Card) የሚሰጥ ነው። ቲ-ፒ-ኤስ (TPS) ጊዜያዊ ነው። በወቅቱ የተደረገው የኢትዮጵያ ቲ-ፒ-ኤስ (TPS) ከ ታሕሳስ ((December) 12 ቀን 2022 እስከ ሰኔ (June)12 ቀን 2024 ድረስ ለ18 ወራት የሚያገለግል ነው። የሚያከትምበት ቀን ከመድረሱ በፊት፤ የአሜሪካ መንግስት ለኢትዮጵያ የሰጠውን ቲ-ፒ-ኤስ (TPS) ለማራዘም ወይም ለማቋረጥ ውሳኔ ያደርጋል።
የኢትዮጵያን ቲ-ፒ-ኤስ (TPS) ለማግኘት ብቁ ነኝን?
ለኢትዮጵያን ቲ-ፒ-ኤስ (TPS) ብቁ የሚሆኑት:
የኢትዮጵያ ዜጋ ከሆኑ እና
አሜሪካን አገር ውስጥ ከጥቅምት (October) 20 ቀን 2022 ወይም ከዛ በፊት መኖር ከጀመሩ ነው።
*የተወሰኑ ዓይነት ወንጄሎችን ከፈጸሙና በአንዳንድ ሌሎች ምክንያቶች ለቲ-ፒ-ኤስ (TPS)* ብቁ ላይሆኑ ይችላሉ።
የኢትዮጵያን ቲ-ፒ-ኤስ (TPS) ለማግኘት ሲያመለክቱ አንዳንድ ዶኩመንቶችን ማሰባሰብ ያስፈልጎታል፡
የኢትዮጵያ ፓስፖርት፣ የተወለዱበት የምስክር ወረቀት ወይም የአገር መታወቅያ ወረቀት
ወደ አሜሪካን አገር የገቡበት ማስረጃ ለምሳሌ ቪዛ፣ የፓስፖርት ቴምበር፤ አይ-94 (I-94) ወይም ኤን-ቲ-ኤ (NTA, Notice to Appear)
ከጥቅምት (October) 20 ቀን 2022 ጅምሮ አሜሪካን አገር ውስጥ እንዳሉ የሚያሳዩ እንደ የሃኪም ወረቀቶች፣ የቤት ኪራይ ውሎች፣ የ ደሞዝ ክፍያ ወረቀት ወይም የትምህርት ቤት መዝገቦች የመሳሰሉ
በአሜሪካን አገርም ሆነ በማንኛውም ሌላ አገር ወንጄል ፈጽመው የታሰሩበት፣ የተወነጀሉበት ወይም በወንጄል ፍርድ ቤት የታየ ጉዳዮን የሚያሳዩ ዶኩመንቶች
ቀደም ሲሉ የሞሏቸው የኢሚግሬሽን ማመልከቻዎች ካሉ የእነሱን ቅጂ
የኢትዮጵያን ቲ-ፒ-ኤስ (TPS) ለማግኘት እንዴት ነው የማመለክተው?
ሜይን (Maine) ውስጥ የሚኖሩ ከሆነና የኢትዮጵያ ቲ-ፒ-ኤስን (TPS) ለማግኘት ማመልከት ከፈለጉ፤ ከላይ የተጠቀሱትን ዶኩመንቶች ያሰባብስቡና) ከስደተኞች ህጋዊ ጠበቃዎች ፕሮጄክት ከኢላፕ (ILAP) ጋር ለመገናኘት በኦንላይን ወደ www.ilapmaine.org/get-legal-help በመግባት ቀጠሮ እንዴት እንደሚወሰድ መረጃ ያግኙ።
ከሰኔ (June) 12 ቀን 2024 በፊት ማመልከቻዎን ያስገቡ። ኢላፕ (ILAP) በተቻለ መጠን ተቀላጥፎ ማመልከት የተሻለ መሆኑን አስተያየቱን ይሰጣል።
አንዳንድ ሰዎች በኢሚግሬሽን ጉዳዮ የሚረዱ መስለው ከቀረብዎት በኋላ ገንዘቦን ብቻ ለመውሰድ የሚፈልጉ ስላሉ ከእንዲህ ዓይነቶቹ አጭበርባሪዎች ይጠንቀቁ። ከእንዲህ ዓይነቶቹ ሰዎች እንዴት ራሶን መጠበቅ እንደሚችሉ ወደ https://ilapmaine.org/protect. ይግቡና ትምህርት ይቅሰሙ።
ይህ ጽሁፍ የተከለሰው መስከረም (December) 12 ቀን 2022 ነው።