Estati Pwoteksyon Tanporè (Temporary Protected Status, TPS) Pou Ayiti
Gouvènman Etazini an te anonse nan mwa Jiyè 2024 la l ap pwolonje epi redefini Estati Pwoteksyon Tanporè (TPS) pou Ayiti jiska 3 Fevriye 2026. Feyè sa a genyen enfòmasyon sou anons sa a epi sou fason pou aplike pou TPS pou Ayiti nan Eta Maine.
Kimoun ki benefisye mizajou TPS pou Ayiti sa a?
Moun ki Akyèlman Genyen TPS Ayisyen:
Moun ki aktyèlman genyen TPS Ayisyen yo apwouve anvan 1ye Jiyè 2024 dwe enskri ankò pou TPS ant 1ye Jiyè 2024 ak 30 Out 2024.
Aplikan TPS Ayisyen ki gen yon aplikasyon TPS annatant toujou apati 1ye Jiyè 2024, pa bezwen enskri ankò. Si yo apwouve, yo pral akòde yo TPS jiska 3 Fevriye 2026.
Pèmi travay pou moun ki aktyèlman gen TPS Ayisyen yo ap pwolonje otomatikman jiska 3 Out 2025. Pou resevwa otorizasyon travay jiska 3 Fevriye 2026, moun ki aktyèlman gen TPS yo dwe aplike pou yon nouvo pèmi travay. Sepandan, Aplikan TPS Ayisyen ki gen yon aplikasyon pou pèmi travay annatant toujou apati 1ye Jiyè 2024 pa bezwen aplike ankò. Si yo apwouve, yo pral akòde yo pèmi travay jiska 3 Fevriye 2026.
Resòtisan ayisyen ki rezide Ozetazini depi 3 Jen 2024:
Resòtisan ayisyen ki rezide san rete Ozetazini depi 3 Jen 2024, epi ki reponn ak lòt kritè yo ka aplike pou TPS ak yon pèmi travay.
Resòtisan ayisyen ki elijib k ap aplike pou TPS pou premyè fwa yo dwe aplike anvan 3 Fevriye 2026.
Kòman Mwen ka Mande Asistans konsènan TPS nan men Pwojè Defans Jiridik Imigran (Immigrant Legal Advocacy Project, ILAP)?
Si w ap viv nan Maine epi w ta vle asistans konsènan yon aplikasyon TPS pou Ayiti, tanpri rasanble dokiman ki nan lis ki nan lòt bò paj la. Aprèsa vizite https://ilapmaine.org/request-haitian-creole pou jwenn enfòmasyon sou asistans jiridik gratis nan men ILAP.
Kisa Mwen Bezwen pou Enskri Ankò oswa Aplike pou TPS pou Ayiti?
Pou kapab enskri ankò oswa aplike pou TPS pou Ayiti, w ap bezwen kèk dokiman, tankou:
Yon paspò ayisyen, batistè oswa kat idantite nasyonal;
Prèv antre Ozetazini, tankou yon viza, tenm paspò, I-94 oswa Avi Konparisyon (Notice to Appear, NTA);
Dokiman ki pwouve ou te Ozetazini depi 3 Jen 2024, tankou dosye medikal, avi prestasyon, kontra lwaye, souch pèman oswa dosye lekòl;
Dosye nenpòt arestasyon, akizasyon, ak dosye devan tribinal kriminèl ou ta ka genyen nan peyi Etazini oswa nenpòt lòt kote nan mond lan;
Kopi nenpòt aplikasyon imigrasyon anvan sa ou te depoze; epi,
Nenpòt lòt dokiman imigrasyon ou te resevwa pandan ou Ozetazini.
Kòman Pou Mwen Pwouve Aktyèl Pèmi Travay mwen an valab jiska 3 Out 2025?
Pèmi travay pou moun ki aktyèlman gen TPS ayisyen yo ap pwolonje otomatikman jiska 3 Out 2025. Ou menm ak anplwayè w la oswa pwochen anplwayè w la kapab anprann plis pandan n ap konsilte lyen ki anba yo:
Sèvis Sitwayènte ak Imigrasyon Etazini: https://bit.ly/USCISHaitiTPS
Avi Rejis Federal sou TPS pou Ayiti: https://bit.ly/HaitiTPSFederalNotice
REMAK: Yo pral akòde pèmi travay jiska 3 Fevriye 2026 ak aplikan ki te gen aplikasyon ki annatant apati 1ye Jiyè 2024 yo, si yo apwouve yo.
Ki Lòt Bagay Mwen Bezwen Konnen?
Fè atansyon ak fwod epi ak moun k ap eseye pran lajan nan men imigran yo pandan y ap pretann yo kapab ede yo nan demach imigrasyon yo. Jwenn plis enfòmasyon sou fason pou pwoteje tèt ou isit la: https://ilapmaine.org/protect-hc.
