Tribunal Ya Immigration

Ndenge nini nakoki koyeba soki nazali na likambo na tribinale ya immigration?

Soki okotaki na Etats-Unis kozanga visa mpe bakonzi ya immigration batelemisaki yo mpe bapesaki yo mikanda, okoki kozala na likambo na tribunal ya immigration. Soki ozwaki liyebisi ya kosamba (NTA) to Mobeko ya kobimisama mpo na kondimama, mbala mosusu ozali na likambo na tribunal ya immigration. Wana ezali kaka bandakisa. Ezali na ndenge mingi oyo bato basukaka na makambo na tribunal ya immigration.

Ndenge nini nakoki koyeba makambo etali likambo na ngai na tribinale ya immigration?

Soki ozali na likambo na tribunal ya immigration, okoki koluka mokolo ya audience na yo ya sima mpe ba information misusu na kobenga nimero ya Tribunal ya Immigration to na kotalaka site internet ya ba information ya makambo ya Tribunal ya immigration. Awa na nse ezali na malako mpo na koluka makambo yango.

Mise à jour ya guide: Sanza ya zomi na mibale 2022

Ndenge nini nakobongola tribunal na ngai na tribunal ya immgration ya Chelmsford?

Soki ofandi na Maine, tribunal ya immigration oyo ezali pene ezali Tribunal ya immigration ya Chelmsford. Soki olingi kobongola tribunal na yo na tribunal ya immigration ya Chelmsford, ekosenga osala Motion to mpo na kobongola esika. Kobongola adresse na yo eko changer mbala moko te tribunal na yo.

ILAP ekoki kosalisa yo obongola tribunal na yo na Tribunal ya Immigration ya Chelmsford.

Soki okoki koya na bureau na biso ya Portland te, okoki kosenga rendez-vous na ILAP mpo na kozwa lisalisi ya kobongola tribunal na yo.