KONNEN DWA OU

Tout moun ki ap viv Ozetazini, ni sa ki gen papye, ni sa ki pa gen papye, tout gen sèten dwa konstitisyon Ameriken an garanti yo. Aprann sou dwa ou nan Etazini ak sou lwa ki konsène ou menm ak fanmi ou.

KISA KI DWA MWEN NAN ETAZINI SI OFISYE IMIGRASYON KANPE MWEN nan lari?

Ou gen dwa sa yo:

  • Ou gen dwa pou w pa di anyen ditou. Ou pa oblije di ajan imigrasyon an anyen ditou. Ou pa oblije reponn okenn kesyon li mande w.

  • Ou gen dwa ref ze yo fouye w oubyen pou yo fouye zafè w. Si yo fè w kanpe men yo pa arete w, ou pa oblije dakò pou yo fouye w oswa pou yo fouye afè ou. Men si ajan an sispèk ou gen zam sou wou li kapab tape kò w lejèman pou l wè si w gen zam sou wou.

  • Ou gen dwa pale ak yon avoka. Si yo kenbe w oubyen si w nan eta darestasyon, ou gen dwa kontakte yon avoka tousuit

Gid renouvle: Desanm 2024

KISA KI DWA MWEN NAN ETAZINI SI OFISYE IMIGRASYON vizite lakay mwen?

Si yon ajan imigrasyon (ICE) frape pòt ou, ou gen dwa sa yo:

  • Ou pa oblije ouvè pòt la. Ou pa oblije ni ouvè pòt la ni kite ajan an antre nan kay la sof si yo gen yon manda yon jij siyen ki bay yo dwa fè fouy epi ki valab.

  • Ou gen dwa pou w pa di anyen ditou. Ou pa oblije di ajan imigrasyon an anyen ditou. Ou pa oblije reponn okenn kesyon li mande w.

  • Ou gen dwa pou w pale ak yon avoka. Si yo arete w oubyen si yo mete w nan prizon, ou gen dwa pou w kontakte yon avoka tousuit.

Gid renouvle: Desanm 2024

KISA KI DWA MWEN NAN ETAZINI SI OFISYE IMIGRASYON vizite TRAVAY MWEN?

Si ajan imigrasyon (ICE) vin nan travay ou, yo dwe gen yon manda yon jij siyen ki ba yo dwa fè fouy epi ki valab oswa konsantman patwon w pou yo rantre nan espas la. Si yon ajan imigrasyon (ICE) frape pòt ou, ou gen dwa sa yo:

  • Ou pa bezwen ni panike ni kouri. Si w pè e ou anvi soti, ou ka leve tou dousman epi soti.

  • Ou gen dwa pou w pa di anyen ditou. Ou pa oblije di ajan imigrasyon an anyen ditou oswa reponn okenn kesyon li mande w.

  • Ou gen dwa pou w pale ak yon avoka. Si yo arete w oubyen si yo mete w nan prizon, ou gen dwa pou w kontakte yon avoka tousuit.

Gid renouvle: Desanm 2024

ki kote mwen ka jwenn enfòmasyon ou fè konfyans sou dwa mwen yo?

KI JAN MWEN KA PWOTEJE TÈT MWEN KONT FWÒD IMIGRASYON?

Fè anpil atansyon lè ou ap chèche èd ak dosye imigrasyon ou a! Fè atansyon ak moun nan Maine ki ap eseye twonpe ou nan fè komsi yo ka ede ou avèk dosye imigrasyon. Moun sa yo ka vòlè lajan ou epi gate dosye imigrasyon ou an.

Pi bon mwayen pou ou pwoteje tèt ou se chèche genyen enfòmasyon sou sa moun sa yo ap fè epi fè atansyon ak moun ou ap pèmèt ede ou avèk dosye imigrasyon ou.

Gid renouvle: Jiyè 2022

ÈSKE MWEN KA POSEDE, ITILIZE, PLANTE, OUBYEN TRAVAY AVÈK MARIWANA SI MWEN PA YON SITWAYEN PEYI ETAZINI?

Non! Maine ak lòt eta legalize mariwana, men mariwana toujou ILEGAL selon lwa imigrasyon Etazini. Si ou pa sitwayen peyi Etazini epi yo jwenn ou te sèvi ak mariwana, ou te travay nan biznis mariwana, plante mariwana oubyen ede lòt moun sèvi ak mariwana, ou ka genyen gwo pwoblèm imigrasyon.

Si ou PA sitwayen peyi Etazini ou pa ka posede, itilize, plante, oubyen travay avèk mariwana nan OKENN eta !

Gid renouvle: Jen 2021

KI JAN AKIZASYON KRIMINEL KA GENYEN KONSEKANS SOU DOSYE IMIGRASYON MWEN AN?

Akizasyon kriminel ka genyen konsekans grav sou dosye imigrasyon ou an. Akizasyon kriminèl ka fè ou gen ris pou yo depòte w. Si ou deja genyen akizasyon kriminèl sou tèt ou, genyen sa ou ka fè pou ou ranfòse dosye imigrasyon ou an. 

ÈSKE MWEN KA VOTE OUBYEN ENSKRI POU VOTE ETAZINI?

Sèlman sitwayen peyi Etazini ka vote oswa enskri pou vote. Sa valab pou eleksyon nan tout Etazini oswa nan eta yo. Dapre lwa imigrasyon an, moun ki pa sitwayen ki enskri pou vote oubyen ki vote ka genyen gwo pwoblèm imigrasyon, depòtasyon ladan l tou. Yo p ap bezwen konnen si sa rive paske ou te enskri oubyen vote pa erè, oubyen se lòt moun ki te di ou pa genyen danje si ou fè sa.

Paj renouvle: Septanm 2024

Se avoka ak tout reprezantan akredite ki te devlope resous ILAP nan paj sila, men yo pa ranplase konsèy jiridik.

 
 
 

EDE NOU AMELYORE!