enfòmasyon vòt pou imigran yo
Se sèlman sitwayen ameriken ki ka vote oswa enskri pou vote. Dapre lwa imigrasyon, moun ki pa sitwayen ki anrejistre pou vote oswa ki vote, ka fè fas a sanksyon imigrasyon grav, tankou depòtasyon.
ÈSKE MWEN KA VOTE OUBYEN ENSKRI POU VOTE ETAZINI?
Se sèlman sitwayen ameriken ki ka vote oswa enskri pou vote. Sa a se laverite pou tout eleksyon Ozetazini ak Eta yo. Pou imigran ki PA sitwayen ameriken, tanpri fè atansyon pou ou pa enskri pou vote oswa vote.
Dapre lwa imigrasyon, moun ki pa sitwayen ki anrejistre pou vote oswa ki vote, ka fè fas a sanksyon imigrasyon grav, tankou depòtasyon, menm si yo te anrejistre oswa vote pa erè, oswa si se lòt moun ki te di yo ka fè sa.
Tanpri pran prekosyon epi asire w’ ke ou se yon sitwayen ameriken anvan w’ enskri pou w’ vote. Epi tanpri, enskri pou vote ak vote lè ou vin yon sitwayen ameriken alavni!
Videyo renouvle: Septanm 2024
Kouman pou mwen ranpli kesyon sitwayènte sou fòm enskripsyon elektè Maine a?
Fòm enskripsyon elektè Maine yo gen yon kazye ki mande, "Èske w’ se yon sitwayen Etazini nan Amerik la?" Ou ta dwe tcheke "Wi" sèlman epi kontinye enskri si w’ se yon sitwayen ameriken legalman.
Yon sitwayen ameriken pa menm ak yon "rezidan" oswa "moun k’ ap viv Ozetazini." Yon sitwayen ameriken se yon moun ki fèt Ozetazini oswa ki te pase nan pwosesis aplikasyon sitwayènte e ki te prete sèman kòm yon sitwayen ameriken, oswa ki te legalman jwenn sitwayènte ameriken atravè yon paran sitwayen ameriken.
KI JAN MWEN KA PWOTEJE TÈT MWEN KONT FWÒDIMIGRASYON?
Fè anpil atansyon lè ou ap chèche èd ak dosye imigrasyon ou a! Fè atansyon ak moun nan Maine ki ap eseye twonpe ou nan fè komsi yo ka ede ou avèk dosye imigrasyon. Moun sa yo ka vòlè lajan ou epi gate dosye imigrasyon ou an.
Pi bon mwayen pou ou pwoteje tèt ou se chèche genyen enfòmasyon sou sa moun sa yo ap fè epi fè atansyon ak moun ou ap pèmèt ede ou avèk dosye imigrasyon ou.
Se avoka ak tout reprezantan akredite ki te devlope resous ILAP nan paj sila, men yo pa ranplase konsèy jiridik.
